يوسف +يوسف =؟؟؟؟

بسم الله الرحمن الرحيم

زماااان ايام (الابيض واسود ..الفراعنه تقريبا بس الفراعنه اللي بجد ايام مصر ما كانت دوله محترمه )

سيدنا يوسف عليه السلام لما عرف ان البلد داخل علي سبع سنيين قحط عجاف طلب من المك انه يخليه علي الخزائن الارض (ولاحظ كلمه خزائن يعني مش واحده ) عشان ينقذ البلذ من المجاعه اللي كانت جايه والحمد لله نجح سيدنا يوسف ف كده وعدت المساله علي خير (لو تلاحظ كمان ان المجاعه دي طالت بلدان تانيه غير مصر وكان التجار بتوعها بييجوا يشتروا من مصر الاكل م الاخر بس برضه الازمه عدت علي خير والحمد لله )

... ولكن دوام الحال من المحال.....

دخلنا ف الالفيه التالته بعد الحكم المبارك للرئيس مبارك والحمد لله الحال من سيئ لاسوا والحاله زي الفل (الله يرحم السادات كان بيقولها كلمه اللي مش هيغني ف عصري مش هيغني بعدي ... اه والله ) وجاءت السنوات الشدااااد وجاء برضه (سيدنا يوسف )ولكن شتان بين هذا وذاك.. شتان بين الكريم ابن الكريم ابن الكريم ابن الكريم النبي ابن النبي ابن النبي ابن النبي وبين يوسف بتاع الالفيه التالته يوسف بطرس غالي !!

قبل ما نتكلم عن لازم نقول هو مين يوسف (غالي طبعا ) يوسف بطرس غالي (والكلام ده من موقع وزاره الماليه )

تولى الدكتور يوسف بطرس غالى منصب وزير المالية منذ يوليو 2004 , قبل ذلك كان يتولي منصب وزير التجارة الخارجية منذ نوفمبر 2001 و حتى يوليو 2004. وقد شغل الدكتور يوسف بطرس غالى منصب وزير الاقتصاد والتجارة الخارجية منذ أكتوبر 1999،

وفي الفترة من يوليه 1997 إلى سبتمبر 1999 شغل منصب وزير الاقتصاد، وفى الفترة من يناير 1996 إلى يونيه 1997 كان وزيرا للدولة للشئون الاقتصادية. وفى الفترة من أبريل 1993 إلى ديسمبر 1995 كان وزيرا للدولة للتعاون الدولي ووزير الدولة لشئون مجلس الوزراء . وخلال الفترة من 1986 إلى 1993 عمل مستشارا اقتصاديا لكل من رئيس مجلس الوزراء ومحافظ البنك المركزي المصري. وقبل أن يتولى هذه المناصب عمل خبيرا اقتصاديا لمدة ست سنوات في صندوق النقد الدولي ( في الفترة من 1981 إلى 1986) . وقبل الدخول في مجال العمل السياسي، كان يشغل منصبا أكاديميا متميزاً فهو حاصل على درجة البكالوريوس في الاقتصاد من جامعة القاهرة وفى عام 1981 حصل على درجة الدكتوراه في الاقتصاد من معهد ماساشوستس للتكنولوجيا (Massachusetts Institute of Technology) كان الدكتور يوسف بطرس غالى يعمل أستاذا مساعدا في الاقتصاد بكلية الاقتصاد والعلوم السياسية جامعة القاهرة، ومديراً لمركز التحليل الاقتصادي بمجلس الوزراء، وفى الفترة من 1991 إلى 1993 كان عضوا بمجلس إدارة البنك الأهلي المصري. وعمل أيضا محاضرا للاقتصاد في الجامعة الأمريكية بالقاهرة، وأيضا محاضراً بمعهد ماساشوستس للتكنولوجيا بالولايات المتحدة الأمريكية. وقد قام الدكتور يوسف بطرس غالى خلال السنوات العشرين الأخيرة بنشر اثنين وعشرين بحثاًً وكتاباً على نطاق واسع في الموضوعات النظرية وموضوعات التنمية في مجال الاقتصاد. طبعا الراجل يعني اقول ايه لا تعليق ... نبدا بقي ف الكلام .. كل من اليوسفان (يوسف +يوسف =يوسفان ) مسك تقريبا نقول ايه وزاره الماليه ؟؟ ثروات البلد ؟؟ وزيرا للدولة للشئون الاقتصادية؟؟؟؟ اي كانت كل فلوس البلد والداخله والخارجه ف ايده شوف بقي سيدنا يوسف انقذ مصر والبلاد من هلاك محقق من المجاعه والقحط اما بقي يوسف غاي الغالي بص بنفسك واحكم : 1)استيلاء وزارتي المالية والثقافة علي أموال منحة حاكم الشارقة لاتحاد كتاب مصر .... 2) مشروع الضرايب العقاريه الجديد اللي صحيح ريح المواطنين البسطاء اللي علي باب الله (اللي اساسا لو عصرتهم مش هينزلوا حاجه ولا نله زياده عن اللي بيدفعوه ) بس بيقطم وسط رجال الاعمال (اللي ف الغالب نصهم بيغش ف الدفاتر وعايش ) انا اكيد مش مع ان الناس دي تتهرب من الضرايب بس برضه اكيد مش لازم ندبحها !! 3)مشروع الصكووك الفاشل اللي نازلين بيه ف الفتره الاخيره وشغالين بيدوشونا بيه اللي اساسا كله ف الاخر طلع كلام فاضي و تمن الصك ف الاخر هيطلع (علي اقصي تقدير ) بتاع 300 جنيه (بحد علمي) يعني ف السنه بالكامل ممكن يطلع للمواطن بتاع عشره جنيه ولا حاجه ف السنه ارباح (بافتراض ان الشركات شغاله ) ده بافتراض اساسا ان الناس هتفهم يعني ايه صكوك وبورصه والكلام الكبير ده !! 4)بالتعاون مع اخوه وحبيبه محمود محيي الدين وزير الاستثمار المصري (اللي انا هموت واعرف بيعمل ايع انا مش فاهم ) شغالين بيع ف الشركات واخر الفضايح وليس اخيرا فضيحه الاراضي الللي حما عمو جمال اشتراها من الدوله (بتاع 26الف فدان ) كلام فاضي يعني و فضيحه عمر افندي (تقريبا والله اعلم ان الاستثمار الحديث قائم علي بيع الشركات اللي شغاله برخص التراب ودعم المشروعات الكسيحه والمتعثره من مال الدوله مهي مش فلوس ابونا و دعم المشروعات الصغيره والمتناهيه الصغر والتي لاتري بالعين المجرده !!!) والغريبه اللي مضايقني انالفلوس دي اللي بتيجي من البيع (بعد ال... وال... )بتتحط ف الموازنه تحت بند الاستثمار طيب ازاي منيش فاهم 5)....و....و....و الصراحه انا تعبت واكمل بعديين سلالالام ------------------------------------------------- راينا صواب يحتمل الخطا وراي غيرنا خطا يحتمل الصواب ...